أخوات أزهر الزقازيق يعتدين على حرس الجامعة ... يا حراااااام
جاء هذا الخبر بنفس النص على جريدة المساء
بلطجة.. أخوات المحظورة
بلطجة.. أخوات المحظورة
الشرقية عبدالعاطي محمد :
انتقل اسلوب البلطجة الذي يتبعه أعضاء المحظورة من الإخوان إلي الأخوات حيث شهدت كلية الدراسات الإسلامية بفرع جامعة الأزهر بالزقازيق قيام 200 طالبة ينتمين للإخوان بقذف أفراد الحرس الجامعي بالحجارة والزلط.. وتسببن في إصابة اثنين منهم بجروح. الطالبات الأخوات يردن دخول الكلية بدون ابراز الكارنيهات أو تفتيش الحقائب عند الضرورة ولجأن إلي اسلوب العنف بدلاً من الحوار. الإمام الأكبر الدكتور أحمد الطيب شيخ الأزهر اتصل بعميد الكلية وطلب منه التعامل مع الموقف بحكمة وتفويت الفرصة علي الإخوان والأخوات لاثارة الفوضي والفتنة .
بصراحة بصراحة يعني الأخوات دول ما عندهم حق خالص إزاااااااااااي إزاي يجيلهم قلب يعملوا كده في العساكر الغلبانين دول ياااااااااااه مش قادرة أتخيل بجد بجد مش قادرة أمسك دموعي رموهم بالطوب والزلط ؟؟؟ وكمان عسكري اتعور لالالا بجد ايه الافترا ده ايه البنات دي ما عندهمش عساكر صغيرين في البيت ؟؟ مش ممكن الجرأة والقسوة الى بيتعاملوا بيها مع العساكر دي وبعدين هو ده بقى الى رايحين يتعلموه في الجامعة مش كل واحدة تخليها ماشية في حالها كده ومأنكجة في ايد البوي فريند بتاعها وايه اللبس الغريب بتاعهم ده مش تمشي محترمة كده بالبرمودا الاسترتش والإستوميك بادي ايه الى هما عاملينه ده وبعدين ايه يعني عاوزين يدخلوا الكلية كده بسهوله هيا هيصة ؟؟ مش فيه نظام ؟؟ مش المفروض العسكري يفتشها ويحط ايده عليها كده ويشوف يمكن تكون مخبية قنابل والا حاجة ... اه يا الى لا عندهم نخوة ولا مروءة دول بناتنا يا تيييييت ازاي بنت تتفتش تفتيش ذاتي ازاي عسكري ابن ستين تييييييت يلمس أخت ويفتشها ويضربوا الأخوات بالجزم والشلاليط وتيجوا يا الى ما عندكوش كرامة ولا نخوة تزوروا الحقيقة انتوا جنسكم بقى ايه ؟؟؟ انا نفسي افهم انتوا بشر ولا شياطين دي الشياطين ما تعملش جرائمكم حسبنا الله ونعم الوكيل فيكم والإمام الفاضل عاجبه الى حصل في البنات لا قال ايه تعاملوا مع الأمر بحكمة انا بجد مش قادرة اعلق ولا عارفة اقول ايه لكن يارب يااااااااااااارب تشوفوه في بناتكم وتتحسروا عليهم يارب تتفضحوا وتتبهدلوا ي ما بتبهدلوا بنات الناس الأخوات دول فوق رؤسكم هيفضوا أسياد ليكم يا تيييييييت وهنفضل خط أحمر هنفضل إحنا خط أحمر .
الخبر الحقيقي يا كرام وهذا على رواية المصري اليوم يعني صحيفة مش تبع الإخوان ولا حاجة
شهد فرع جامعة الأزهر بالزقازيق اشتباكات بين حرس الجامعة، وطالبات أسرة المنار، المنتمية لجماعة الإخوان المسلمين، بسبب إصرار الأمن على تفتيش إحدى الطالبات ذاتياً ، والإعتداء عليها بالضرب مما أدى إلى إصابتها بجروح ونقلها إلى مستشفى " الأحرار " بالزقازيق .
وشرحت إحدى الطالبات الأمر من بدايته قائلة: "حينما أصر الأمن على التفتيش طلبنا أن يتم ذلك عن طريق موظفة، أو مشرفة أمن، فرفضوا ذلك وقال أحدهم :"هو احنا مش ماليين عينكم"، وحاولوا تفتيشنا بالقوة، وعند ما قاومناهم انهالوا علينا بالضرب ركلاً بالأقدام والأيدي، ثم فتحوا علينا خراطيم المياه".
وأضافت طالبة أخرى: " لم يتنه الأمر عن هذا الحد بل منع حرس الجامعة سيارات الاسعاف من نقل المصابات، نتيجة الاعتداءات، إلى المستشفى حتى لايتم تحرير محاضر ضدهم".
وأشارت إلى أنهن استمررن فى الضغط على الأمن للسماح بنقل المصابات إلى المستشفى، حتى نقلت الطالبة سمية أشرف، الفرقة الرابعة كلية الدراسات الاسلامية والعربية شعبة أصول الدين، إلى مستشفى "الأحرار" بالزقازيق بسبب اصابتها بنزيف داخلى. وأعلن الطالبات اعتصامهن أمام الجامعة بعد رفض الحرس دخولهن إلى الحرم الجامعي ، ورددن شعارات "يا عميدنا ساكت ليه.. ضرب سمية ده كان ليه"، "يا عميدنا فين المسؤولية.. إنت الراعي ونحن الرعية".
المصدر / مدونة شوق القمر
